Қауымдастық ережелері

Күшіне енген күні: 2026 жылғы 19 қазан · Құпиялылық саясаты

Тілдесу — қазақша сөйлеуге ұялатын адамдарға арналған кеңістік. Мұнда қате жіберу қалыпты. Ережелер барлығына қауіпсіз әрі жайлы болу үшін керек.

1. Кімдер қатыса алады

• Тек 18 жастан асқандар.
• Бір адам — бір аккаунт. Аккаунтты басқаға беруге болмайды.

2. Әңгіме кезінде

• Қазақша сөйлесуге тырысыңыз. Сөз таппасаңыз, «Қалай еді?» батырмасын немесе орысша сөзді қолдануға болады — бастысы, әңгіме тоқтамасын.
• Сұхбаттасыңызды сыйлаңыз: оның қатесін келемеждемеңіз, сөзін бөлмеңіз, оған да сөйлеуге мүмкіндік беріңіз.
• Әңгімені оның келісімінсіз жазып алмаңыз және ешкімге таратпаңыз.

3. Тыйым салынады

• Қорлау, қорқыту, қудалау, біреуді ұлтына, дініне, жынысына, денсаулығына қарай кемсіту.
• Жыныстық сипаттағы әңгіме мен ұсыныстар.
• Телефон нөмірін, мекенжайды, әлеуметтік желі аккаунттарын сұрау немесе талап ету.
• Жарнама, спам, ақша сұрау, сатылым, алаяқтық.
• Заңға қайшы кез келген әрекет.

4. Бұзушылық болса

• Бұғаттау — бір басу: бұл адам сізге енді кездеспейді.
• Шағым — әкімшілікке хабар. Екі түрлі адамнан шағым түссе, аккаунт автоматты түрде бұғатталады. Әкімші шағымдарды қарап, шешімді өзгерте алады.
• Өрескел бұзушылық үшін аккаунт ескертусіз жабылады.

5. Шақырулар

• Әр адамның 3 жеке шақыруы бар. Тек өзіңіз сенетін адамдарды шақырыңыз.
• Сіз шақырған екі адам бұғатталса, қалған шақыруларыңыз жабылады.

6. Ұпай, деңгей, белгілер

• Ұпай сұхбаттастардың лайктарынан жиналады. Ұпайды жасанды жолмен жинау (бір адаммен келісіп лайк қою, екінші аккаунт ашу) — бұзушылық.
• Деңгейді сұхбаттастарыңыз растайды немесе өзгертеді. Шынайы бағалаңыз.

7. Байланыс

Сұрақ, шағым, аккаунтты жою туралы өтініш: Telegram @Anuar_nurpeisov.

Ережелер өзгерсе, сайтқа келгенде хабарлаймыз.